ترامب علي تويتر " حان الوقت لاعتراف أمريكا بسيادة اسرائيل علي الجولان - ايجى ويب

ترامب علي تويتر " حان الوقت لاعتراف أمريكا بسيادة اسرائيل علي الجولان


زمن الخداع والحرب علي عقلك
ترامب علي تويتر " حان الوقت لاعتراف أمريكا بسيادة اسرائيل علي الجولان"
مبروك يابتوع الثوره السوريه ثورتكم حققت أهدافها
وهنا لازم نوجه الشكر لكلا من :
أبو قتاده الأفغاني.أبو منصور الصومالي.مايكل البريطاني .ديفيد الإسرائيلي.والصراف القطري وعامل البوفيه التركي ،والكام دلدول عربي إللي هربوا من بلدانهم .والمتآمرين في الداخل السوري .جيش هر ونصره وداعش وواغش وقطيع الإخوان جميعا
ألف مبروك ثورتكم نجحت

كنتم أفضل من تم إختيارهم من مكاتب مقاولات الحرب الامريكيه التي تديرها المخابرات الأمريكيه السي آي أي
لصناعة حرب دمرت الأخضر واليابس وبسببكم راح خيرة الشباب السوري وأصبحت سوريه بلا بنيه تحتيه وأنهكتوا جيشها إللي كان حائط صد لسوريه ولبنان وشوكه في ضهر إسرائيل من الشمال،
مكاتب مقاولات الحرب الامريكيه دى هدفها صناعة حرب في أي مكان يتم اختياره وبسببه بتدخل الخزائن الامريكيه مئات المليارات





بيعمل في المكاتب دى عسكريين قدامي اغلبهم بيكون شارك في اي حرب في الشرق الاوسط علي مجموعه من العصابات اللي بتقتل بالأجر وبتأتمر بأمر أجهزة المخابرات الامريكيه
مهمتها الاساسيه تنفيذ العمليات في الخارج .تصفية أي شخص خطر علي امنهم .وصناعة الحرب وبعد ذلك إداراتها لتطول لاطول فتره .وفي حال تم كشف اي شخص منهم في اي مكان فورا بيطلقو عليه وصف مستشار عسكري



الموضوع ده من سنين وهو شغال فيه اللي فهم اللعبه وفيه اللي مازال عايش في غيبوبه
حتي هوليوود تكلمت عنه في سلسة أفلام قام ببطولتها النجم Sylvester Stallone
دول بيكونوا دارسين طبيعة اي بلد عايزين يدمروها وفي سوريه كان اللعب علي المذاهب
شحنوا الخاين في الداخل بحكايات وقصص هو نفسه لما بيفكر فيها حاليا بيلاقيها وهم وخيال





بشار أصله شيعي.الدوله السوريه ظالمه. المواطن السوري مهمش (
والحقيقه ان سوريه في عهد الرئيس الراحل حافظ الأسد ومن بعده الرئيس بشار علي مدار 40عالم لم يهدم ضريح ولم تسجل حاله فتنه طائفيه واحده بين مسلم ومسيحي او بين سني وشيعي
وأما عن الدوله السوريه فكانت الدوله الوحيده التي لم تقترض دولار واحد ولم تعرف لصندوق النقد طريقا





وكانت عامله شبه إكتفاء ذاتي من القمح والوقود
وعن المواطن السوري نفسه فكان أكبر نسبة تعليم علي مستوى الوطن العربي،
بس هي الحدوته بدأت كده في الوطن العربي كده بدأوها بكدبه ودعموها بإعلام مأجور ووجهوا سمومهم ولبسوها عباءة الدين ولما الخاين في الداخل بلع الطعم وتأكدوا إنه جاهز لتدمير بلده دعموه بكل المرتزقه خريجي المعتقلات الأمريكيه علي مدمني المخدرات والجنس علي شويه واخدين في بلادهم أحكام إعدام أطلقوا سراحهم ليقتلوا بالأجر
ولك ان تتخيل أن اكثر من 80%من المرتزقه اللي بيحاربوا الدوله السوريه أجانب من خارج سوريه أغلبهم لايؤمنون بالله لادينيين




تخيل إن الخاين السوري في الداخل سواء كان في الجيش الهر او والنصره او داعش او الاخوان معتقد إنه بيحارب بشار عشان شيعي وعايز ينصر الاسلام قام جايب واحد مش معترف بوجود الله أساسا عشان ينصر الاسلام؟ انت متخيل كم العته والهبل ؟
مش بس كده ؟ ده كمان المصابين منهم بتعالجهم اسرائيل في مستشفياتها وبتدعمهم ،يعني هو كمان معتقد ان اسرائيل بتساعده عشان يقتل الشيعي لان الشيعي كافر ولازم يموت ،
التصريح اللي قاله ترامب ده وشكره عليه نتنياهو مقالوش إلا لما تأكد إن الدوله السوريه تعبت من حربها علي الإرهاب 9 سنين وجيشها العربي أنهك وبعض أبنائها شردوا والجزء الاكبر منهم قتل



عرفت ليه صنعوا جماعة الاخوان الارهابيه وليه دعموها ؟
عرفت مين بيحركهم ؟
فهمت إزاي بيتم صناعة حرب لانهاك الدول وإستنزافها ؟
عرفت ليه كل جماعه إرهابيه صنعوها علي مدار تاريخهم كانو بيلبسوها قناع الدين ؟ والدين منهم براء.
علي فكره أول سوره في كتاب الله ( إقرأ(
يعني فكر وتدبر وشغل عقلك بدون أي تحيز هتفهم
انت مش محتاج خبير استراتيجي عشان يفهمك
كل ما عليك ركز وبص علي المشهد من 2009 واللي بيحصل في المنطقه العربيه هتلاقي نفسك فهمت اللعبه صح


اترك تعليقا :

ليست هناك تعليقات:

إرسال تعليق