-->

أفضل الآماكن السياحية في مصر بأرخص الأسعار.. ويرجع بك الزمن لحكايات ألف ليلة وليلة










لو عاوز تدخل مكان وتحس ان الزمن رجع ورا ووقف في فترة زمنية جميلة كأنة دخل حكاية من حكايات ألف ليلة وليلة... يبقى لازم تروح متحف جاير أندرسون أو بيت الكريتلية في حي السيدة زينب

المتحف كان عباره عن بيتين من العصرين المملوكي والعثماني وهما بيت محمد بن الحاج سالم وبيت السيدة آمنة بنت سالم والبيتين مربوطين ببعض عن طريق ممر.
امال اسمه جاير أندرسون ليه؟؟
جاير أندرسون ده كان طبيب انجليزي ومن ضمن الجيش الانجليزي جه مصر سنة ١٩٠٨ وعشقها وعشق كل الأحياء القديمة فيها.
ورغم انه كان طبيب في الجيش الا انه عشق الآثار بكل أنواعها لدرجة الشغف وبالذات الآثار الإسلامية لأنها كانت بتفكرة ب حكايات ألف ليلة وليلة، زي عالم الآثار كريزول برده قدملنا دراسات عظيمة في الآثار الإسلامية بسبب قرايته لألف ليله وليله ومن هنا بدأ عشقه للفن الإسلامي

.
على فكرة انا جبت من كام سنة أربع مجلدات لألف ليله وليله من شارع النبي دانيال ب ٣٠ جنيه بس حقيقي يسووا كنوز الدنيا
عامة نرجع لموضوعنا البيتين كانوا تحت إشراف لجنة حفظ الآثار العربيه فطلب منهم جاير انه هيسكن في البيتين وهيحوله على الطراز الإسلامي.
وبدأ يشتري من الأسواق القديمة قطع آثاث قديمه وشكلها زي العصور الإسلامية، وبدأ يحط في البيتين كل مقتنياته الأثريه اللي جمعها طول حياته سواء فرعونيه أو إسلامية أو غيره.
بعد وفاته أو رحيله لاني معرفش طلب انه يتحول لمتحف وفعلا اتحول ومسكتة لجنة حفظ الآثار العربيه

ليست هناك تعليقات:

إرسال تعليق