أخر الأخبار

10/recentpost

12/07/2018

وماذا عن تقشف الحكومة ...؟!!




تداول كتيراً بين الناس عن أهمية أن تطبق الحكومة سياسة التقشف قبل ما تفرض علي الناس التقشف او قبل ما تفرض علينا تنظيم النسل او تهدد بكدة


انت ايه مضايقك فى الحكومة وعايز تلغيه ؟
.
1 - المواكب الرسمية , الاحتفالات , المؤتمرات , مرتبات الوزراء
.
انت عارف المواكب والحفلات والاستقبالات والمراسم والحركات دى كلها بتكلفنا كام فى السنة ؟
.
الاستقبالات = 25 مليون جنيه + 48 مليون نفقات زيارات دولية ومؤتمرات خارجية + 31 مليون نفقات اقامة معارض فى الداخل والخارج + 15 مليون مرتبات وزراء +700 مليون نفقات الانتقالات والنقل لكل العاملين بالحكومة للسفر بالداخل او الخارج
.
كل الارقام السابقة دي سنوية
.
يبقي كدة الاجمالي = 819 مليون جنيه سنويا
.
2 - شركات قطاع الاعمال العام
.
الشركات دى كانت بتخسر 300 مليون في 2015 , النهاردة بتكسب 15 مليار وبيستهدفوا 40 مليار فى السنة الجاية
.
هل حضرتك مستوعب النمو فى الارباح ؟ من 0.3 مليار الي 15 مليار فى 3 سنوات!!
.
لكن داخل القطاع المكون من 122 شركة , فيه 26 شركة عندهم مشاكل كبيرة وبيخسروا خسائر مليارية هائلة , لكن المحصلة العامة ان عدد الشركات الرابحة بيزيد بصفة مستمرة والشركات الخاسرة بتقل , موجودة لكن بتقل مقارنة ب 2014
.
الاهم من كدة ان الموضوع دة معقد وبيحتاج وقت لانه فيه 226 الف موظف بيقبضو 11 مليار ج فى السنة والوضع متشابك ومستمر من عشرات السنين , وكون ان بيحصل ارباح فهو شيء جيد جدا وعملية التطوير هتاخد وقتها
.
اذن الشركات دى اتحولت للربحية , وهتزيد الفترة القادمة يعني دة قطاع مش بيخسر عشان نقول للحكومة تبطل تصرف عليه , دة بالعكس بتفيدنا وارباحه بتدخل الخزانة العامة وبتقلل عجز الموازنة
.
3 - اجمالي الوفر المتحقق وأثره
.
يبقي اجمالي اللى تقدر توفره هو مبلغ ال 819 مليون جنيه ودول لو افترضنا اننا نقدر نستغني عنهم , فهما ميكفوش دعم الخبز والتموين اللي بنستهلكه فى اسبوع واحد فقط
.
احنا بنصرف علي دعم السلع التموينية 86 مليار جنيه , تشمل دعم الخبز ب45 مليار جنيه
يعني ال 819 مليون فى سنة واحدة = زيادة حصة كل مواطن بقيمة 8 جنيه فى السنة 0.02 جنيه فى اليوم يعني اقل من قرش يعني حاجة ملهاش اي لزمة
.
لكن لما زدنا 2.5 مليون طفل فى سنة واحدة = عبء ب 23 مليار زيادة فى دعم السلع التموينية بالموازنة
.
وانا كدة لسة متكلمتش علي باقي انواع الدعم والزيادات اللى بتحصل فيهم بسبب انفلات النمو السكاني , الدعم بيزيد بعشرات المليارات كل سنة , كان 200 مليار ج فى 2015 , النهاردة 330 مليار ج
.
وكمان لسة محسبناش الاثر علي تدهور خدمات التعليم والصحة والعلاج وتكدس سوق العمل وبالتالي انخفاض سعر العامل او الموظف وعدم وجود شركات تكفي هذا الكم من المتخرجين واثر دة علي البطالة والمرافق والجريمة

فهمت المعادلة بتتحسب ازاي ؟
.
مع الوضع فى الاعتبار ان مستحيل نلغي بنود المواكب والانتقالات والاستقبالات والمؤتمرات لانها جزء من نشاط اي دولة ولازم الانفاق عليه يستمر والعائد منه بيكون غير مالي لكن مهم جدا
.
وكذلك مستحيل تعطي مرتب ضعيف لوزير متميز وكفء والبلد محتاجاه ... لانك بالشكل دة هتكون طارد للمتميزين والمفروض ان الحكومة تضم افضل المتخصصين فى كل مجال عشان نضمن افضل نتائج وتحقيق قفزات جيدة فى الاصلاح والتطوير والتنمية , وبالتالي لازم تأمنلهم مستوي مالي ومعيشي ملائم لحياتهم العادية هما واسرهم اللى كانوا عايشينها قبل تولي المنصب عشان يقدر يركز في مهمته ويترك عمله بالقطاع الخاص
.
فالحكاية مش دفاع اعمي عن الحكومة ولا هجوم عشوائي ضدها , اد ما هو ان كلامك غير علمي وملوش اي معني او فايدة او اثر
.
المصدر : الارقام  فى صفحات 36 الي 42 فى البيان التحليلي لموازنة 2018/2019 من موقع وزارة المالية قسم الموازنة المعتمدة ,

شارك المقالة عبر:

اترك تعليقا:

الاكتر شيوعا