أخر الأخبار

10/recentpost

10/11/2018

أخطر لحظات تعرضت فيها مصر للسقوط الحقيقى منذ نكسة 67

أخطر لحظات تعرضت فيها مصر للسقوط الحقيقى منذ نكسة ٦٧ هو فجر يوم

٢٠١٥/٧/١
اليوم ده شهد بطولة من أعظم ملاحم البطولة للجيش المصرى.. ضد هجمة داعشية مخططة بدقة من تحالف مخابراتى دولى ومدعمة بتغطية إعلامية لإعلان دولة جديدة على كامل سينا

تم مهاجمة ١٩ كمين بمئات الإرهابيين ..
هنحكى عن أروع ملحمة "كمثال" وهى "ملحمة" كمين أبو رفاعى ..
عدد افراده ١٧ مقاتل مصرى والإرهابيين ١٢٠ بسيارات دفع رباعى ومعهم اعلام داعش ومصورى الجزيرة وامامهم سيارة مفخخة ..
تفجير السيارة بإنتحارى ثم إحتلال الكمين ورفع الأعلام ثم قتل مدنيين وذبحهم كان هو لحظة إعلان سقوط رفح وتكرار سيناريو مدينة "الموصل" العراقية ..
وكلنا فاكرين الدعاية المكثفة منذ فجر هذا اليوم بمقتل ٨٠ جندى وإعلان الولاية الإسلامية


السيارة اندفعت بشدة ولم تستجب لطلقات التحذير .. وبدأ الأبطال يتعاملوا معاها وهى على بعد ١٠٠ متر ولكن إكتشفوا أنها مصفحة
إحكوا لولادكم عن أول الملاحم من "أحمد عبد التواب وحسام جمال" .. اللى جريوا على السيارة وإتعلقوا بيها ومن الفتحة الصغيرة المخصصة للسائق للرؤية فجروا السيارة وإستشهدوا عشان يمنعوا السيارة من الإنفجار عند الكمين بالظبط
إندفع الإرهابيين بمجموعات مكثفة نحو الكمين وإذا بالـ ١٥ مقاتل "الباقيين" يعزفوا أروع قصص البطولات الخيالية
إحكولهم عن "عبد الرحمن" اللى إتصاب فى جنبه وكمل دفاعاً عن الكمين وقتل ١٢ إرهابى لوحده قبل إستشهاده
إحكولهم عن قائد الكمين الظابط الشاب أدهم الشوباشى (حى يرزق) اللى تقدم الصفوف وكل ما يتصاب يكتم إصابته بالرمل ويواصل لحد ما جاله إصابة بالغة فى الحوض .. وزحف لصندوق القنابل وقتل ٢٠ إرهابى وهو مستلقى على الأرض
نتيجة الملاحم دى كانت فرار الإرهابيين الناجين من جحيم جنود جيش مصر..


وسرقوا معاهم "جيف" بعض قتلاهم .. وسابوا وراهم ٥٦ جيفة أخرى .. كل ده عمله ١٧ بطل مصري لم يتبق منهم حياً غير ٨ بعد أن أنقذوا مصر كلها من الضياع
اليوم ده كان الرسالة الاكيدة لأعداء مصر وأتباعهم وذيولهم فى المنطقة أن الجيش المصري هم خير اجناد الارض .. وأن مصر محفوظة بأبناءها الذين يسطرون الملاحم واحدة تلو الأخرى
شباب مصر الحقيقيين فى كمين أبو رفاعى هيفضلوا النموذج اللى بيعلنها صريحة لكل العالم "ادخلوا مصر إن شاء الله آمنين".

شارك المقالة عبر:

اترك تعليقا:

الاكتر شيوعا